سامحوني هذا الموضوع هايخليكم تخافو من الكمبيوتر

[senaby]

السلام عليكم ورحمة الله وبركاته

12 ساعة أمام الحاسب تقتل مراهقاً روسياً بسكتة دماغية :eek:

التفاصيل

إكاتيرنبورج: لقي صبي مصرعه في مدينة "إكاتيرنبورج" الروسية الأسبوع الماضي بعد 12 ساعة متواصلة من ممارسة ألعاب الكمبيوتر في أحد النوادي. وقد أظهر تشريح الجثة أن مخ الفتى دمر بالكامل، وفق ما نقله موقع "برافدا" الروسي.

وكان الفتى قد ظل في نادي الألعاب لمدة تزيد عن قواعد الأمان المسموحة. وعندما عاد إلى بيته، بدا سلوك الفتى غير طبيعي تماما الأمر الذي حدا بوالدته لاستدعاء الإسعاف. ومكث الطفل في قسم الإنعاش لمدة سبعة أسابيع, إلا أن جهود الأطباء على مدار الأيام الماضية لإنقاذ الطفل باءت بالفشل.

وقال أطباء المدينة إنهم بدءوا في تلقي معلومات بشأن نمو إدمان ألعاب الكمبيوتر بين الأطفال.

وبحسب الأبحاث الاجتماعية، فإن ما يزيد عن 80% من أطفال المدارس الذين تتراوح أعمارهم بين 12-13 عامًا، يعانون إدمان الكمبيوتر في روسيا.

وتقول الأبحاث إن إدمان الأطفال للعب الكمبيوتر في الدول الغربية يأخذ تدريجيا حجم إدمان الكحوليات والمخدرات.

وتعاني هذه الفئة من الأطفال من سرعة الغضب وعدم الاستقرار الشعوري.

ويقول الأطباء: إن الإدمان الخطير لألعاب الكمبيوتر يؤثر على كل النمو البدني والفكري للطفل، مسببًا الاكتئاب واضطرابات نفسية.
ملحوظه:-
انا من اكثر الناس ادماناً للكمبيوتر وربنا يستر على الجميع بس الأعتدال مطلوب فى كل شىء
يا ريت اسمع اراءكم فى الموضوع ده عشان رأيكم يهمنى جداً
,,, وشكراً

[network_99]

موضوع جيد يا باشا والاعمار بيد الله

[senaby]

موضوع جيد يا باشا والاعمار بيد الله

شكراً يا باشا على مرورك
بس انت برده مأقولتش رأيك فى الموضوع
بإتظار المزيد من الردود ان شاء الله

[cl_sayed]

مش الاطفال بس
و مش انت بس الى مدمن الالعاب و الكمبيوتر و الانترنت انا واحد من الناس الى مدمر بسبب الالعاب و الانترنت

[EH_seko]

انـــــــــا شايف انه موضوع مش مشكله

عشان كان طفل انما الكبار يستحميلوا

بمثال ان فى ناس شغلها كله على الكمبيوتر

و عايشه لحد دلوقتى و بيقعدوا تقريبا اكتر من 20 ساعه فى اليوم

فخليها على الله و ان شاء الله هتقوم سليم

[رجل المـستحيل]

شكراً يا باشا على الموضوع



انـــــــــا شايف انه موضوع مش مشكله

عشان كان طفل انما الكبار يستحميلوا

بمثال ان فى ناس شغلها كله على الكمبيوتر

و عايشه لحد دلوقتى و بيقعدوا تقريبا اكتر من 20 ساعه فى اليوم

فخليها على الله و ان شاء الله هتقوم سليم
و الله يا باشا انا اول ما بصحى من النوم على الكمبيوتر انا مدمن نت و كمبيوتر اوى و بقعد طول اليوم عليه لحد ما جهازى قرب يضربنى :D

[Moh@mmed Lotfy]

ياه ه ه ه ه ه ه ه يا جدعان :eek:
ده أنا أعمل إيه بقى فى نفسى
أنتحر أولا أعمل إيه قولولى أنتم :p
أنا يوميا من 18 إلى 20 ساعة بلا مبالغة :eek: و أكيد الناس كلها إيلي معايا على الماسنجر عارفة كده
قولولى بقى أعمل إيه فى نفسى :confused:
المشكلة مش فى الكمبيوتر و لا النت المشكلة فى أنى مش قادر أسيبكوم خالص علشان أنتم ناس زى العسل
و شكلكم عاملينلى عمل معاكم :D
و شكرا يا Senaby على الموضوع المقلق ده
و ربنا يستر علينا كلنا

[ma7aseno2002]

يا جماعة ايه الكلام الغرييييييييييب اللي انتوا بتقولوه ده :eek:
انا عمري ماشفت مخ انسان اتدمر علشان ركز شويه وهو بيلعب شوية العاب
على كده كان زمان مخ احمد زويل او اي حد من العلماء دول انفجر من زمان :rolleyes:
طبعا الكلام ده مش صحيح خالص وربنا مش خالقلنا مخنا علشان يتدمر من 12 ساعة قدام الكومبيوتر

طيب بلاش كده انا حافسرهلكم من الناحية الطبية
السكتة الدماغية دي ممكن تحصل لأي حد في أي لحظة
وكمان احتمال الطفل ده كان عنده صرع ... والصرع ده ليه اشكال وانواع كتير مش لازم زي ما بتشوفوا في الافلام .. تشنجات وتنطيط وكده لا مش شرط
احتمال تكون نوبة صرع عادية جدا بس صادفت انها بعد ما قعد على الكومبيوتر ... بس انتوا عارفين بقه وسائل الاعلام والتهويل اللي لازم تعمله ... امال ياكلوا عيش ازاي
بس على فكرة القعدة الكتير على الكومبيوتر ليها اضرار نفسية وبكرر نفسية وبس
سيبكوا بقه من التهييس اللي بيتقال ده واللي عايز يتأكد يسأل اي دكتور امراض نفسية وعصبية وهو حايتأكد بنفسه
طولت عليكم انا عارف .... معلش بس علشان مبحبش الهجس :D

[Moh@mmed Lotfy]

إيه ده الدكتور محسن باشا ذات نفسه :p
هو إيلي شخص الحالة إيييييه أقصد هو إيلي شخص الموضوع :D
ياههههه الواحد أطمن و الله يا محسن لما شاف التقرير بتاعك الحلوة ده
بس على فكرة يا محسن أنا سمعت الكلام ده من برنامج على التلفزيون و كان فيه دكاترة برده :D
و قالوا أنى طبعا بيكون فيه تأثير على الأنسان من جلوسه فترات طويلة أمام الحاسب
نتيجة للأشاعات التى تخرج من الشاشة و نتيجة الأشعة الناتجة من الأجهزة اللاسلكية و هاكذا :eek:
و مع الأسف أنا عندى كل الحاجات المضرة ده :(
و طبعا الكلام ده سليم 100 * 100 و لكن أنت طبعا شخصت موضوع السكتة الدماغية و ده حاجة تانية :)

[ma7aseno2002]

يا باشا ربنا يكرمك ... ده بس من زوقك والله
وكويس انك اتطمنت بس بص حاقولك حاجة
موضوع الاشعات اللي بتطلع من الشاشة دي مقدور عليها سواء بفلتر او من غير لو شاشتك low radiation وافتكر ان كل الشاشات الجديدة كده
اما بقه الحاجات اللاسلكية دي ... بص ...... من الآخر ماتسمعش كلام الدكاترة :D
ماهم ياما قالوا على الموبايلات ... بزمتك عمرك سمعت عن حد جراله حاجة من التليفون المحمول
كلها حاجات مبنية على حقائق علمية وافتراضات بس مش شرط تحصل ونسبة حدوثها ضعيفة جدا
انا دخلت في كلام كبير وحاصدعكم باين عليا
سيبك يا عم سيبك .... اديها مايه تديك طراوة :D

[Moh@mmed Lotfy]

ماشى يا عم محسن أنا هاديها مية المرادى بس علشان خاطرك
هههههههههههههههه
بس حلوة أوى حكاية ماتسمعش كلام الدكاترة يا دكتور
ههههههههه

[ma7aseno2002]

لا بس اسمع كلامي انا
امال حناكل عيش منين يابا :D

[Moh@mmed Lotfy]

و الله مشكلة بجد أنت يا محسن
بس مشكلة لذيذة أوى
ههههههه

[ma7aseno2002]

يخليك ليا يا جميل

[S o M a 3 a H]

و شكرا يا Senaby على الموضوع المقلق ده
و ربنا يستر علينا كلنا

[LeWi]

Salam
طيب انا كل يوم 8 ساعات مقابل الكومبيوتر ولسه بعدني عايش
---LeWi---

[senaby]

و شكرا يا Senaby على الموضوع المقلق ده
و ربنا يستر علينا كلنا
العفو يا باشا
ده شرف كبيير ليا انك تمر على موضوعى

[®SK@R™]

شكرا يا مان على الموضوع الجامد اوى ده

[senaby]

شكرا يا مان على الموضوع الجامد اوى ده
العفو يا باشا
وشكراً اخى العزيز لمرورك الكريم