هل تقبل الزواج بفتاة أكبر منك ؟

[®SK@R™]

بسم الله الرحمن الرحيم

إلى أعزائي قراء منتدانا الفاضل المحترمين

السلام عليكم ورحمة الله وبركاتة

أود أن اطرح عليكم موضوع في غاية الأهمية وأرجو منكم الرد

وأتمنى منكم قرائنا الأفاضل طرح أرائكم ومشاركاتكم

عزيزي المقبل على الزواج

تخيل أنك تقدمت لخطبة فتاة وكانت مثال للأدب والأخلاق إلا انها أكبر منك بسنة او سنوات

قليلة . .....هل تكمل معها مشوار الزواج أم تعتذر ؟

لا أريد منكم إجابة مثالية وتقولون تزوج الرسول من خديجة وهي أكبر منه ..........بل أريد

اجابه واقعية وعن قناعة .

وما رأيك أنت عزيزتي لو حدث العكس وتقدم لخطبتك شاب أصغر منك فهل تقبلينه كزوج

أم لا ؟

[Moh@mmed Lotfy]

يا باشا أنا عن نفسى
لا أمانع أبدأ فى أن أتزوج من فتاة أكبر منى سنا بسنة أو أتنين
لأن السن مش العامل الأساسى فى الموضوع
و لكن العامل الأساسى هو الفكر بينى و بينها
هذا أهم شئ فى الموضوع فإذا كان فكرها يخاطب فكرى فى نفس المكانة أو أقلل فلا مشكلة فى ذلك
و هذا هو رأيي العام فى هذا الموضوع

[Nowhere To Turn]

طبعا لا اقبل ذلك

[S o M a 3 a H]

اعطيني وقت افكر

[Moh@mmed Lotfy]

كل ده وقت بتفكر يا Mr.Game

[only3asem]

المهم تكون حلوة وتستاهل

[ma7aseno2002]

انا شايف ان كلام لطفي مظبوط مليون في الميه
ايه يعني لما تكون اكبر مني
بس في حاجة مهمة .. انها تكون عارفة اني انا الراجل .. يعني مش كل ما اقولها حاجة تقولي انا اكبر منك
وكمان لازم يكون جسمك اضخم منها .. انتوا ممكن تستهيفوا النقطة دي
بس لو فكرت مع نفسك حتلاقي ان كلامي صح
حتى قدام الناس لو هي اطول منك حتى لو انت الاكبر سنا حيكون شكلك مش ظريف
ده رأيي .. انك لازم تهتم بالتفكير والشكل اكتر من السن

[Moh@mmed Lotfy]

بس يا محسن الحجم مش مشكلة
المشكلة لو أطول منك
ده بجد تبقى مشكلة كبيرة أوى
لكن الجسم أعتقد أن معظم النساء أضخم من الرجال

[S o M a 3 a H]

لكن الجسم أعتقد أن معظم النساء أضخم من الرجال

ايه ده باشا انت عكست الوضع

[Moh@mmed Lotfy]

ايه ده باشا انت عكست الوضع
يا باشا أنا مش بقول على إيلي المفروض يكون
أنا بقول هو ده السائد فى البلاد و بلاذات فى الغرب
بس طبعا ما تشوفش الشباب شوف الناس العجوزة :)

[®SK@R™]

شكرا على مرور كل الناس والموضوع دع كنت عايز اعرف اراكم فية بجد

[Moh@mmed Lotfy]

يا أسكار باشا أنت نسيت حاجة مهمة أوى
أنت نسيت أنك تقول رأيك فى الموضوع
مع أن أنت صاحب الموضوع و كان من الطبيعى أنك تبدأ بنفسك

[network_99]

شكرا يا باشا على الموضوع ولكن اعتقد اللى بيقولو ان ممكن الشاب ممكن ان يتزوج فتاه اكبر منه ده كلام غير سليم وغير واقعى واعتقد ان السبب الرئيسى من وجهه نظرى طبعا ان الفتاه العمر بيظهر عليها قبل الشاب وطبعا انتوا فهمين قصدى

وانا عن نفسى اقولها بصوت عالى لالالالالالالالالالالالالالالالالالالالالالالالالا لالالالا

[Moh@mmed Lotfy]

ان الفتاه العمر بيظهر عليها قبل الشاب وطبعا انتوا فهمين قصدى
COLOR]
يا باشا عمر إيه و بتاع إيه إيلي بيظهر
لو الست تحتفظ بلياقتها فسوف تظل شباب حتى بعد الأربعين
و عندك أمثلة كتير على كلامى
و من أولهم يسرا الممثلة
شوفها يا عم و أكيد أنت عارف عمرها كام دلوقتى تقريبا
و أجمل من أحسن شابة صغيرة
فده مش مقياس يعنى
على العموم ده كلها وجهات نظر

[ma7aseno2002]

فعلا يا لطفي
المشكلة عندنا في الدول العربية ان الستات بيفضلوا يهتموا بنفسهم لحد ما يتجوزا
وبعد الجواز تقولك وانا اهتم بنفسي ليه
سبحان الله يأخي على تفكيرهم
وهو ده اللي بيخلي جسمهم اكبر من الرجاله
تتجوز من هنا .. وتديها رز ومكرونة لحد ما تبقى قد الفيل
وطبعا مافيش رياضة ولا نيلة
خدوا بالكم بقى لما تتجوزوا .... وقد أعذر من أنذر

[Moh@mmed Lotfy]

أنا بحترم أوى الناس إيلي بتفكر بعقل و تركيز يا محسن باشا

[®SK@R™]

انا كنت عايز اعرف اراكم الاول وبعد كده اقول راى
وبجد انا بحترم كل الاراى اللى اتكتبة
بس انا راى ان الراجل لما يكون اكبر من الست احسن لعدده اسباب
-ان الرجال قوامون عن النساء والكلمة دى لم تعنى المعنى الفظى فقط
-ان الاكبر منك بيوم يعرف عنك بسنة
-الراجل بيفكر بطرية احسن من الجنس اللطيف بكتيييييير وده بيخلى الراى الرجل احسن بكتر من النساء
مع احترامى لكل من قال راى من رجال او بنات

[S o M a 3 a H]

انا طبعا ما اخذ لي وحدة اكبر مني

[Moh@mmed Lotfy]

و الله يا جماعة ده آراء شخصية
و كل واحد عنده تفكيره المستقل

[®SK@R™]

وانا بحترم كل واحد ووجهة نظره

[Moh@mmed Lotfy]

رد محترم جدا يا أخ أسكار
أحييك عليك

[®SK@R™]

شكرا يا لطفى باشا

[بيدو]

انا رائي المهم الشخصيه
ممكن واحد يبقية اقل في السن بس يترعب منه ناس كتير اكبر منه ليس خوف انما احترام
بس هيبقي وضع نفسه في وضع نفسي صعب
لانه لازم يحافظ علي شخصيه قويه لانها ستعيش طول عمرها تحاول ان تنتهز الفرصه لاثبات قوتها
واي هفوه من الرجل سوف تمتطي البيت من اوله لاخره
وليس عليك سوي ان تركب الجواد ورائها ان سمحت لك
او ان تتبع خطاها المسرعه
يعني مفيش مانع بس لو.0.....................0

وشكرا علي الموضوع الجاد

[®SK@R™]

شكرا يا باشا على المرور
والله يا بيدو تفكيرك فى شئ من الصح
بس ده مش مع كل البنات مش كل البنات كده يا باشا

[بيدو]

بس انا اقصد السيده التي بالبيت ولم اقصد البنات

[Moh@mmed Lotfy]

و محدش قال يا أسكار أن كل البنات كده
أحنا بنقول ما فيش مشكلة لو البت شخصيتها محترمة

[®SK@R™]

اكيد طبعا ما فيش حد بيدور على وحدا يتجوزها ما تكونش محترمة

[z300]

لاتوجد مشكله بالنسبة الي في حال انه المرأه اكبر مني سنا
اهم شئ عندي الاخلاق غهيه تغنيني عن كل شئ

[farfosh]

لو تسمحوا لي المشاركة في هذا الموضوع

[farfosh]

في رأى أنا متفق مع بيدو في رأيه لابد أن تكون ذات أخلاق عالية بقدر كاف
وذات شخصية قوية بس أن لا تغطي شخصية الرجل

[dr_ims]

اذا كانت محترمة ومتدينة وطبعا مقبولة الوجه و لطيفة المعشر
يبقى فاضل
مين الراجل فينا ؟
وفرق السن قد ايه ؟
و التبادل الفكري عامل ايه ؟؟

[®SK@R™]

ده كلام صح يا باشا

[doaa]

موضوع لا يجوز من اساسه

[المنسية]

بص يا أوسكار انا بنت و بصراحة انا رأيي مهم اسمع انت تقول انها مثل للأخلاق وللأدب
هذا اول هام ايجابي والشئ السلبي انك اصغر
لكن تعرف ماما اكبر من بابا بسنتين والحمد لله تجمعهم الموده والحب صدق
لكن المشكلة مش فيها انها اكبر منك وانك هترفضها على هذا السبب
المشكلة فيك انت لأنك اصغر منها هيا الي مفروض تحتار مش انت وطبعا ركز علشان تفهم الفرق
اوكي ولو حبيت تسمع رأيي انا ممكن امانع اتنجوز واحد اصغر لو حسيت انوا اصغر مني
علفكره البنت ممكن ترفض لو حست انك صغير بالنسبة لها فحاول تسبت شخصيتك وقوتك ورجولتك حتى انت تحس
انك اكبر وحتى هي تحس انك مش صغير

[كأس العالم]

مجنون أنا اتزوج وحدة بكبر أمي

[THE GAME]

انا ممكن بصراحه المواضيع دى مش فارقه معايا

[aliw]

لو في حب بينا واقتناع بالنسبه ليا مفيش مشكله